آذربایجان تسلیت ، کردستان تسلیت ،‌آذرشهر تسلیت ، عجب شیر تسلیت ، ایران تسلیت

آذربایجان باشین ساغ اولسون

آذربایجان تسلیت

کوردستان تسلیت

عجب شیر تسلیت

آذرشهر تسلیت

ایران تسلیت

آذربایجان نجه یازیم غموندن
نجه یازیم نیسکیللی ماتموندن

سئللر آخیب ائللرووی داغیتدی
چمنده کی گللرووی داغیتدی

ائوسیزلرون قالدی یاغیشدا، قاردا
قاره گیدون قاره، یاشیل باهاردا

آذربایجان، باتدی غمه سارایلار
امدادینه خان چوبانی هارایلار

بلا یازیب سنه قضا قَدَرلر
نیسکیللرون قلبیمیزی کَدَرلر

نجه یازیم ائو داغیدان سئلوندن
بلا کوچوب اوزاخلاشسین ائلوندن

آخیر غمون، آخیر خسارت اولسون
عالم بویی باشون سلامت اولسون

آغیر غمون، وطن قلبین دلیبدی
ایران سنه تسلییَته گلیبدی

یاز(فیضی)یاز، آنا یوردوم وار اولسون
حسینچیوک آقام بیزه یار اولسون

رحیم فیضی اردبیلی